13-yanvar kuni Ilmiy faoliyatga oid davlat dasturlari doirasida amaliy, innovatsion va fundamental loyihalar tanlovi g‘oliblari taqdirlandilar.

 Ushbu loyihada Oʻzbekiston Milliy universiteti Jizzax filiali jamoasi Nutq signallari asosida ovoz va matnni tanib olish, qayta ishlash orqali stenogrammalarni shakllantiruvchi “Sound and text transcript” intellektual dasturiy mahsulotini ishlab chiqish loyihasi bilan qatnashishdi va g'olib bo'lishdi.

Innovatsion rivojlanish vazirligi tomonidan ilmiy tadqiqot ishlariga davlat buyurtmasi talablariga muvofiq ilmiy faoliyatga oid davlat dasturlari doirasida bajariladigan fundamental, amaliy hamda innovatsion loyihalar tanlovining 41-turida Nutq signallari asosida ovoz va matnni tanib olish, qayta ishlash orqali stenogrammalarni shakllantiruvchi “Sound and text transcript” intellektual dasturiy mahsulotini ishlab chiqish mavzusidagi umumiy qiymati 1 595 000 000 teng bo’lgan 2 yilga mo’ljallangan innovatsion loyiha g’olibi bo’ldi. Loyiha raxbari texnika fanlari doktori, professor Axatov Akmal Rustamovich

Loyiha haqida ma'lumot

13 yanvar kuni Ilmiy faoliyatga oid davlat dasturlari doirasida amaliy, innovatsion va fundamental loyihalar tanlovi g‘oliblari taqdirlandilar. 9 ta fan yo‘nalishi kesimida Fanlar akademiyasi hamda 3 ta vazirlik, 1 ta qo‘mita tasarrufidagi 8 ta ilmiy-tadqiqot institutlari, 5 ta oliy taʼlim muassasasi, 6 ta ilmiy markazi tomonidan ilmiy faoliyatga oid davlat dasturlari doirasida moliyalashtirilgan umumiy qiymati 77,8 mlrd. so‘m bo‘lgan 38 ta loyihalar rahbarlariga sertifikatlar topshirilmoqda. Ulardan 21 tasi amaliy, 9 tasi innovatsion va 8 tasi fundamental loyihalardir.

Jumladan, 9 ta qishloq xo‘jaligi, 6 ta biotexnologiya va biologiya, 8 ta tibbiyot, 8 ta filologiya, psixologiya va pedagogika fanlari, 2 ta texnika, 5 ta farmakologiya va farmatsevtika, fanlari yo‘nalishida amalga oshirilmoqda. Bajarilayotgan loyihalar yakuniy natijalari qishloq xo‘jaligi sohasida agrotexnologiyalar, tibbiyot sohasida davolash texnologiyalari, farmakologiya va farmatsevtika yo‘nalishida dori vositalari va substansiyalar, texnik qurilmalar, tajriba-konstruktorlik namunalari va dasturiy mahsulotlar olishga qaratilgan.

Taʼkidlash joizki, Innovatsion rivojlanish vazirligi tomonidan ilmiy tadqiqot ishlariga davlat buyurtmasi talablariga muvofiq ilmiy faoliyatga oid davlat dasturlari doirasida bajariladigan fundamental, amaliy hamda innovatsion xalqaro loyihalar tanlovi muntazam o‘tkazib kelinmoqda. Hozirda 15 ta fan yo‘nalishi bo‘yicha umumiy qiymati 144,22 mlrd so‘m bo‘lgan 146 ta tematik mavzular – 131 ta amaliy, 35 ta innovatsion loyihalar uchun tanlovlar davom etmoqda.