Joriy yilning 25-yanvar kuni filialimiz katta majlislar zalida Oʻzbekiston Respublikasi Prezidentining 2020-yil 29-dekabrdagi Oliy majlisga  qilgan murojaatnomasining mazmun-mohiyatini professor-oʻqituvchilar va talabalar oʻrtasida keng targʻib qilish maqsadi tadbir bo'lib o'tdi. 

Bu safargi targ'ibot tadbiri "Amaliy matematika" fakulteti talabalari uchun o'tkazildi. “Amaliy matematika” fakulteti dekani A.Boboyev, “Amaliy matematika" fakulteti dekan muovoni X.Raxmatov hamda “Tabiiy fanlar va iqtisodiyot” kafedrasi oʻqituvchisi S.Saidovlar o'z ma'ruzalari bilan ishtirok etishdilar.

Tadbirda ko'plab ma'lumotlar taqdim etildi. Murojaatnoma matni miqdoriy tahlil qilinadigan boʻlsa (bunday tahlil kontent-tahlil deb ataladi), unda “yoshlar” atamasi eng koʻp ishlatilgan soʻz boʻlganini koʻrish mumkin. Murojaatnoma matnida bu soʻz 47-marta qoʻllanilgan. Ayni paytda “taʼlim” soʻzi ham ushbu hujjatda 31-marta ishlatilganiga guvoh boʻlish mumkin.

Murojaatnomada yoshlarni qoʻllab-quvvatlash borasidagi olti vazifa ajratib koʻrsatildi. Bular quyidagilar:

-  Bogʻcha yoshidagi har bir bolani maktabgacha taʼlim yoʻnalishi bilan toʻliq qamrab olish uchun zarur sharoit yaratish;

-  Maktab taʼlimini tubdan yaxshilash va uning sifatini oshirish, muallimlarga munosib sharoit yaratish borasidagi islohotlarni jadal davom ettirish;

-  Oliy taʼlimning qamrovi va sifatini oshirishga alohida eʼtibor qaratish;

-  Mamlakat taraqqiyotining zamini boʻlgan ilm-fan va innovatsiyalarni rivojlantirish;

-  Yoshlar oʻrtasida bandlikni taʼminlash va tadbirkorlikni qoʻllab-quvvatlash;

-  Ehtiyojmand oilalarning farzandlari, chin yetim, nogironligi boʻlgan va davolanishga muhtoj bolalarga alohida mehr-muruvvat koʻrsatish boʻyicha yangi tizim joriy etish.

Filial Axborot xizmati