Murabbiylik soatlarida bugungi kunda mamlakatimizdagi mavjud karantin talablaridan kelib chiqib, bemaqsad ko‘chaga chiqmaslik va o‘rnatilgan karantin qoidalarga to‘liq amal qilish lozimligi to‘g‘risida aytib o‘tildi. Mamlakatimizda bugungi kun epidemiologik vaziyatidan kelib chiqqan holda karantin qoidalarini buzganlik uchun javobgarlik masalalari borasida qonunchilikda ko‘rsatib o‘tilgan javobgarliklar to‘g‘risida to‘xtalib, karantinli va inson uchun xavfli bo‘lgan boshqa yuqumli kasalliklar paydo bo‘lishi hamda tarqalishi sharoitida vakolatli organning maxsus talablariga zid ravishda jamoat joylarida niqobsiz yurish epidemiyalarga qarshi kurash qoidalarini buzishga oid huquqbuzarlik sodir etgan shaxsga nisbatan qo‘llanilishi mumkin bo‘lgan choralar to‘g‘risida asosli ma’lumotlar berildi. Fakultetda boshqa viloyatlardan va tumanlardan kelib tahsil olayotgan talabalarning ta’til munosabati bilan o‘z yashash manzillariga kuzatish maqsadida tashkil etilgan chora-tadbirlar bilan talabalar tanishtirildi. Shundan kelib chiqib, talabalarning o‘z yashash manzillariga qachon va qaysi transport vositalari yordamida ketishlari to‘g‘risidagi “Kuzatish grafigi” shakllantirildi. Shuningdek kuz qish mavsumida isitish tizimidan to‘g‘ri foydalanish va is gazidan zaharlanish kabi ko‘ngilsiz xodisalarning oldini olishga qaratilgan tavsiyalar berib o‘tildi.