Joriy yilning 15-dekabridan 2021-yilning 15-yanvarigacha «Kim Vatanga sodiq bo‘lsa, mendirman o‘sha»  shiori ostida “Harbiy vatanparvarlik oyligi” eʼlon qilindi.

Shu munosabat bilan 2020 yilning 22 dekabr kuni talaba-yoshlarni harbiy-vatanparvarlik ruhida tarbiyalash, fuqarolik pozisiyasini kuchaytirish maqsadida Sh.Rashidov tumani Olmachi mahallasida joylashgan 25931-harbiy qismga ekskursiya uyushtirdilar. Ekskursiya vaqtida filial talabalari harbiy qismning yotoqxonasi, oshxonasi, sport majmuasi, ma’naviyat va ma’rifat markazi, harbiy texnikalar bazasi va boshqa bir qator harbiy ob’yektlar bilan yaqindan tanishdilar. Shuningdek, ekskursiya davomida turli xil o‘qotar qurollarning qanday ishlashi to‘g‘risida xarbiy xizmatchilar tomonidan turli xil chiqishlar orqali namoyish etib berildi va harbiy texnikalarning jangovar shayligi bilan yaqindan tanishdilar. Talabalar o‘zlarini qiziqtirgan savollarga harbiy xizmatchilar tomonidan to‘laqonli javoblar olishdi.

© Filial Axborot xizmati