1 dekabr – Butunjahon OITSga qarshi kurash kuni

Jahon hamjamiyatini ogohlikka chaqirish, aholining orttirilgan immunitet tanqisligi sindromi (OITS) haqidagi xabardorlik darajasini oshirish, shuningdek, bu dardga chalingan insonlarga tibbiy, moddiy va ruhiy yordam ko‘rsatishni ta’minlash maqsadida 1988 yilda Jahon sog‘liqni saqlash tashkiloti tomonidan har yilning 1 dekabr sanasi Butunjahon OITSga qarshi kurash kuni deb e’lon qilingan. BMTning OITSga qarshi kurash tashkiloti (UNAIDS) tashabbusi bilan joriy yilda bu sana “Xalqaro hamjihatlik, umumiy mas’uliyat” shiori ostida o‘tkazilmoqda.

1 dekabr – “Butunjahon OITSga qarshi kurash kuni” munosabati bilan O‘zbekiston Milliy universiteti Jizzax filialida davra suhbati tashkil etildi. O‘tkazilgan davra suhbatida Jizzax shahar ko‘p tarmoqli markaziy poliklinika bosh infeksionisti Ishmatova Gulnora, shu poliklinika xamshirasi Irgasheva Barno, Yoshlar bilan ishlash, ma’naviyat va ma’rifat bo‘limi boshlig‘i B.Qudratov, fakultet dekan o‘rinbosarlari hamda filial 1-bosqich talabalari ishtirok etdilar.

Uchrashuvda mutaxassislari o‘zining ma’ruzalari bilan ishtirok etib, talabalarga OIVning salbiy oqibatlari, kelib chiqish sabablari uning profilaktikasi xususida atroflicha tushunchalar berdilar hamda tadbirda ishtirok etgan talabalarga mavzuga oid targ‘ibot materiallar tarqatildi. Suhbat so‘nggida talabalar o‘zlarining qiziqtirgan savollariga mutaxassis tomonidan atroflicha javoblar olishdi. Tadbirda 1-kurs talabalari faol ishtirok etdilar.

Filial Axborot xizmati.