Jizzax viloyat soliq boshqarmasida "Ochiq eshiklar kuni" o‘tkazildi

Bugun viloyat soliq boshqarmasida soliq xizmati organlarida ochiqlik va shaffoflikni ta’minlash, korrupsiyaviy xatarlarni oldini olish va bartaraf etish maqsadida “Korrupsiya – rivojlanishimizga to‘siq” mavzusida “Ochiq eshiklar kuni” tadbiri o‘tkazildi.

Unga Mirzo Ulug'bek nomidagi O'zbekiston milliy universitetining Jizzax filiali professor-o'qituvchilari, talabalari, mahalliy va respublika ommaviy axborot vositalari xodimlari, blogerlar taklif etildi.

Dastlab,boshqarmaning yetakchi mutaxassislari talaba-yoshlar bilan suhbat qilib, soliqchilik, uning mashaqqatlari va sharafli kasb ekanligini ta’kidlab, soliq xodimi bo‘lish uchun vatanni sevish, fidoyilik zarurligi, fanlarni chuqur o‘zlashtirish va iqtisodiy bilimini oshirish lozimligini aytib o‘tdilar.

Soliqchilar yoshlarga soliqchining odob-ahloq qoidalari, “ Soliqchi-tadbirkorga ko‘makchi” tamoyili asosida ishlashi lozimligi haqida tushuncha berdilar. Shundan so'ng ishtirokchilar o'zlarini qiziqtirgan savollarga javob oldilar.

✅Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

🟦Telegram |👍 Facebook |❤️ Instagram