⭕️#o'rganish

⭕️Bugun O‘zbekiston Milliy universitetining Jizzax filiali direktori O.Turakulov boshchiligida filial hududida amalga oshirilayotgan ta’mirlash va modernizatsiya jarayonlari o‘rganildi.

🔺Tashrif avvalida yangicha jihozlanayotgan kutubxona bilan yaqindan tanishildi. Yaratilayotgan zamonaviy o‘quv muhitining talabalarning mustaqil ta’lim olishi, ilmiy izlanishlar olib borishi va madaniy-ma’rifiy faoliyatini qo‘llab-quvvatlashda muhim ahamiyat kasb etishi alohida ta’kidlandi.

🔺Shuningdek, filial faollar zalining yangilangan ko‘rinishi ko‘zdan kechirildi. Mazkur zalda talaba-yoshlar, professor-o‘qituvchilar va mehmonlar ishtirokida turli uchrashuvlar, seminarlar va ma’naviy-ma’rifiy tadbirlarni yuqori sifatda tashkil etish imkoniyati yaratilganligi qayd etildi.

🔺Uchrashuv davomida direktor O.Turakulov filial rahbariyati va xodimlari bilan birgalikda amalga oshirilgan ishlarni ko‘rib chiqib, kelgusidagi rejalar, takliflar va ustuvor yo‘nalishlar yuzasidan fikr almashdi. Tashrif yakunida filialdagi sharoitlarni yanada yaxshilash va ta’lim sifatini oshirish bo‘yicha muhim vazifalar belgilab olindi.

➡️ Bizni kuzatib boring !!

🌐Sayt ✅ Telegram 🌐 Instagram 💬Facebook 📹 You tube