#kitob

“Kutubxonaga — mening hissam” shiori ostida kitob marafoni tashkil etildi

O‘zbekiston Milliy universitetining Jizzax filiali “Psixologiya” fakulteti tyutori M. Qushnazarova tashabbusi bilan, o‘ziga biriktirilgan Iqtisodiyot yo‘nalishi 331-332-333-334-25-guruh hamda Psixologiya yo‘nalishi 211-212-24-guruh talabalari ishtirokida “Besh muhim tashabbus” doirasida yoshlar ma’naviyatini yuksaltirish va kitobxonlikni keng targ‘ib etish maqsadida “Kutubxonaga — mening hissam” shiori ostida kitob marafoni tashkil etildi.

Tadbirda Yoshlar bilan ishlash, ma’naviyat va ma’rifat bo‘limi boshlig‘i M.Qurbonboyev talabalarga “Bir kitob — ming imkoniyat” mavzusida ma’naviyat va kitobxonlikning inson tafakkurini boyitishdagi o‘rni haqida so‘zlab berdi.

Talabalar tomonidan filial kutubxonasiga tengdoshlari ham foydalanishlari uchun turli badiiy, ilmiy va ma’rifiy asarlar sovg‘a qilindi.

Kitob marafoni davomida yoshlar kitob o‘qish madaniyatini rivojlantirish, bilim olishga undovchi g‘oyalarni targ‘ib etish va kitobni do‘st sifatida qadrlash zarurligini ta’kidlab o‘tdilar.

Tadbir yakunida “Kutubxonaga — mening hissam” chellenji davom ettirilib, 170 dan ortiq badiiy va ilmiy adabiyotlar kutubxonaga topshirildi.

Endi navbat sizga — siz kutubxonamizga qanday hissa qo‘shasiz?